பிசி ஜுவல்லர் பங்குகள் ஆறு மாதங்களில் 68% உயர்ந்துள்ளன. நேற்று பங்கு விலை மேலும் 4% அதிகரித்தது. நிறுவனத்தின் கடனில்லா நிலை மற்றும் இரண்டாம் காலாண்டு வருவாய் வளர்ச்சி முதலீட்டாளர் நம்பிக்கைக்கு ஆதரவாக அமைந்தன.
நிறுவனத்திற்கு முன்பு சுமார் ரூ. 3,000 கோடி கடன் இருந்தது. ஒருமுறைத் தீர்வுத் திட்டத்தின்கீழ் 14 வங்கிகளுக்கான நிலுவைகளையும் செலுத்தி கடனில்லா நிலையை எட்டியுள்ளது. இதையடுத்து அடமானச் சொத்துகள் விடுவிக்கப்பட்டு தனிநபர் மற்றும் நிறுவன உத்தரவாதங்களும் முழுமையாக நீக்கப்பட்டன.
2026–27 நிதியாண்டின் இரண்டாம் காலாண்டில் வருவாய் 28% வளர்ந்துள்ளது. ஏற்றுமதி நிலுவைகளிலிருந்து ரூ.142 கோடி வசூலிக்கப்பட்டுள்ளது.
வலுவான நுகர்வோர் தேவை வளர்ச்சிக்கு உதவியுள்ளது. கடனை முன்கூட்டியே செலுத்தியதால் வட்டிச் செலவுகள் குறையும் என நிறுவனம் தெரிவித்துள்ளது.
